17. juuni 2015-imi Nuna tamakkerlugu naatsorsuutit eqqortut 2015-imi ukiumoortumik paasissutissaniittut saqqummersinneqarput
Innuttaasut atuinerat
Innuttaasut atuinerat tamakkiisoq nuna tamakkerlugu naatsorsuutini ilanngullugu naatsorsorneqartarpoq. Tamannalu titartagaq 3.1-imi takuneqarsinnaavoq akit ingerlaavartuni aaliangersimasunilu ukioq 2005 aallaavigalugu naatsorsukkani.
Innuttaasut atuinerat piffissami 2003-mit 2013-imut akini ingerlaavartuni 44,9 pct.-mik qaffariarsimavoq. Saqqummersittagaq Atuisunut akit ineriartornerat iluaqutigalugu innuttaasut atuinerata qaffasissusivia naatsorsuinikkut nassaarineqarpoq akit qaffakkiartornerisa peerneratigut, taamaasilluni annertuseriarnivik 15,7 pct.-iusimalluni. 2012-miit 2013-mut innuttaasut atuinerat 0,4 pct.-imik annertuseriarsimavoq.
Titartagaq 3.1. Innuttaasut atuinerat 2003-2013
Malugiuk: 2003-2011-mi kisitsisit inaarutaasuupput, 2012-2013-mili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/nrn07
Titartagaq 3.2-mi takutinneqarpoq innuttaasup ataatsip agguaqatigiissillugu atuinerata ineriartornera 2003-miit 2013-imut. 2003-mi innuttaasup ataatsip agguaqatigiissillugu 80,5 t.kr.-nit ukiumut atorsimavai, qaffakkiartuaarluni 2013-imi 117,4 t.kr.-nit atorsimallugit.
2007-miit 2013-imut inuup ataatsip agguaqatigiissillugu aningaasat atortagai amerligaluarlutik kisianni pisiassat pisiarisartagai taama amerlitiginngillat.
Titartagaq 3.2. Innuttaasup ataatsip agguaqatigiissillugu atuinera, 1.000 kr.
Malugiuk: 2003-2011-mi kisitsisit inaarutaasuupput, 2012-2013-mili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/benst1aamma http://bank.stat.gl/nrn07
Titartagaq 3.3-mi takuneqarsinnaapput innuttaasut sunik atuisarnersut, 2011-mi 2013-imilu. Atuiffiit annerpaat sisamat tassaapput inuussutissat, inigisanit atuineq, tunisassiat kiffartuussinerillu allat taavalu imigassiat tupallu. Sisamaallutik katikkaanni innuttaasut atuinerisa 62 pct.-erivaat.
Titartagaq 3.3. Innuttaasut atuinerat atuiffinnut agguarlugit
Anm.: 2010-mi kisitsisit inaarutaasuupput, 2012-mili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/nrn07